Lys Vaken i Hjørundfjord 2016 22/9/2016 14.29 Adminbruker IKyrkja Til deg som går i 6. og 7. klasse (og til foreldra dine)I vår fekk vi ikkje til overnatting i kyrkja, men no får 6. og 7. klasse sjansen!Du kan lære meir om Jesus, kyrkja og tradisjonane våre, utforske kyrkjetårnet, og i tillegg ha det kjekt i lag med vener! ALLE som går i 6. og 7. klasse er velkomne til å vere med på lys vaken-overnatting i HJØRUNDFJORD kyrkje. 6. klasse vil få utdelt bibelbok i gudstenesta Lys Vaken startar laurdag 22. oktober kl. 18.00 i Hjørundfjord kyrkje og varer til etter gudstenesta 23. oktober, ferdig ca 12.30. Me får lære litt om Jesu liv og om advent, det blir songar og god mat, og me skal førebu gudsteneste til 23. oktober Etter ei stund skal me ut, og bort til Kapteinskvia, fyre bål og grille. Det blir pølsegrilling, leik og song utover kvelden, før me går inn og finn fram soveposane. Når morgonen kjem, vert det frukost på bedehuset, tur i kyrkjetårnet og ei siste førebuing av gudstenesta. Så håper me kyrkja blir full av nysgjerrige foreldre, besteforeldre og bygdefolk til kl. 11.00 – så me kan feire familiegudsteneste i lag. Leiarar er Sokneprest Espen Aarseth, prestestudent Ingrid Finsådal, og ungdomsleiarar frå Hjørundfjorden. Ingrid Finsådal vil ha familiegudstenesta. Høyrest dette kjekt ut? – Meld deg på! Til foreldra Eit slikt arrangement som dette, krev mange hjelparar. Me håper du kan vere ein av dei. Me treng hjelp til desse tinga: (Viktigast er nattevakter, då dette er påkravd av brannvesenet) Lage bål og servere pølser og saft i Kapteinskvia laurdag kveld (2 stk)Bake skuffekake til bålkosen laurdag (2 stk)Nattevakter (2 stk tek halve natta kvar: 23-04.00 og 04.00-08.00)Lage frukost søndag og rydde opp etterpå (2 stk) For alle Lys Vaken skal vere for alle som har lyst. Dersom ditt barn treng tilrettelegging av noko slag, ber me om at du tek kontakt, slik at me saman kan legge til rette for ei best mogleg oppleving for barnet. Kostnad Lys Vaken kostar 100 kr for kvart barn, og vert betalt kontant når de kjem. Dei vil få ei spesiallaga t-skjorte, mat og drikke. Ta med: Dei som blir med, må ta med: Sovepose Liggeunderlag Pysjamas Toalettsaker Bibelboka(6. klasse vil få Bibelboka på søndagen) Blyant/penn 100 kr VARME UTEKLEDE og sitjeunderlag til bruk ved bålet Innesko, tøfler el. tjukkelestar Me gjer det slik at ingen tek med seg snop, me kjøper heller inn noko felles, som alle kan kose seg med i lag. Bilete på nett? I etterkant vil det verte lagt ut bilete frå helga på www.iKyrkja.no. Me ber difor om ei melding frå heimen dersom foreldra ikkje vil at bilete av deira barn skal verte lagt ut. PÅMELDING til Lys Vaken skjer slik – innan 10. OKTOBER: Gå inn på heimesida til kyrkjene i Ørsta, og finn påmeldingsskjema under ”Lys Vaken i Hjørundfjord kyrkje” i margen til venstre. Me treng desse opplysningane: namn på barnet, klasse, namn, evt allergiar og telefonnummer til foreldre, kva foreldra kan hjelpe til med. I feltet merknader kan de evt. skrive om dykkar barn treng tilrettelegging av noko slag. Me sjåast! Helsing prest Espen Aarseth og kateketvikar Caroline Sefu.