Eg vil med dette invitere barnehagane til å vere med på påskevandring i Ørsta og Vartdal kyrkje før påske. Det har blitt tradisjon at vi annan kvart år har påskevandring i kyrkja, og annan kvart år kjem på besøk til barnehagane og fortel om påska. I år er det tid for påskevandring.
Opplegget for påskevandring vil nokre av dykk kjenne frå tidlegare år. Siktemålet er å formidle hendingane frå påskedagane til borna, gjennom deltaking og oppleving. Påskevandringa høver best for dei største borna (4- og 5/6-åringane).
Opplegget i kyrkja tek om lag tre kvarter, og vi kan ha grupper på max 15 born. Det vil seie at nokre barnehagar må ha fleire vandringar. Dei som vil vere med, må på førehand øve på songane, og borna må lage kvar si påskelilje i papir. OBS! Borna får kvar sin liten brødbit å ete i påskevandringa. Eg ber dykk om å melde ifrå om de har born med allergi (mjølk, egg eller gluten), slik at eg kan kjøpe inn brød som alle kan ete.
Eg har sett av nokre dagar i dei siste vekene før påske ( veke 12 og 13) til påskevandringar. Eg har fordelt barnehagane på tider, etter mal frå sist de var på påskevandring i kyrkja. Håper det høver for dei fleste. Om det ikkje gjer det, ber eg om at de tek kontakt, så vi får bytte med ein annan barnehage. Sjå skjemaet nedanfor.
Eg vil i fyrste omgang gjerne vite om dykkar barnehage vil vere med, og kor mange born i dykkar barnehage dette er aktuelt for (opplegget er retta mot 4-5åringane). Me kan ikkje ha fleire enn 15 born med på kvar vandring, så enkelte barnehagar må ha to vandringar.
Eg ber om at alle gir tilbakemelding snarast råd. Ring meg gjerne for forandringar eller send påmelding via e-post.
Etter at eg har fått påmeldingane, vil eg setje opp eit endeleg tidsskjema, som de vil få tilsendt i løpet av veka. Då vil eg og sende ut opplegg, songar og forslag til korleis ei påskelilje av papir kan lagast.
Dag/ dato
Kyrkje
Tid
Barnehage
Måndag 16. mars
Ørsta
10:00
Hovdebygda
12
”
11:15
Krokedalen
13
12:30
Barnas vel avd. Klatremus
9
Onsdag 18. mars
Kvitveisen
10
Farkvamen
15
16
13:45
Torsdag 19. mars
Mosmarka
Måndag 23. mars
Dalane
11:00
12:00
Barnas vel avd. Vellemus
11
Onsdag 25. mars
Rystene
-
Barnas vel avd Ole Brumm
Fredag 27. mars
Vartdal
10:45
Vartdal barnehage
Liadal barnehage
Dersom de har spørsmål, må de gjerne ta kontakt.
Beste helsing frå Caroline Sefu, kateketvikar.
Ørsta kyrkjekontor
Vikegata 5, 6150 Ørsta
Nettadresse: www.iKyrkja.no
Telefon: 70048647/70048640
Fax: 70048641
e-post: caroline.sefu@orsta.kyrkja.no
Adresse: Vikegata 5, 6150 ØRSTA
Tlf: 70048640 E-post til kontoret